ബാബു കുടുങ്ങിയ മലമ്പുഴ ചെറാട് കുര്മ്പാച്ചി മലമുകളിലേക്ക് വീണ്ടും ആളുകള് കയറിയായി സംശയം. മലയുടെ മുകള് ഭാഗത്ത് നിന്ന് ഫ്ളാഷ് ലൈറ്റുകള് തെളിയുന്നു. വനംവകുപ്പ് ഉദ്യോഗസ്ഥര് തിരച്ചില് തുടങ്ങി. ഇവരെ അന്വേഷിച്ച് വനംവകുപ്പ് ഉദ്യോഗസ്ഥര് തിരച്ചില് ആരംഭിച്ചു. നാട്ടുകാരുടെ സഹായത്തോടെ വനംവകുപ്പ് ഉദ്യോഗസ്ഥര് മല മുകളിലേക്ക് പോയതായാണ് പ്രദേശവാസികള് പറഞ്ഞത്.എത്ര പേരാണ് മല മുകളിലേക്ക് പോയതെന്ന് വ്യക്തമല്ല. കഴിഞ്ഞദിവസം ഇതേ മലയുടെ മുകളില് കുടുങ്ങിയ ബാബുവെന്ന യുവാവിനെ സൈന്യത്തിന്റെ സഹായത്തോടെയാണ് രക്ഷപ്പെടുത്തിയത്. രണ്ടു ദിവസത്തോളമാണ് ബാബു മലയിടുക്കില് കുടുങ്ങിയത്. സുഹൃത്തുക്കള്ക്കൊപ്പം മല കയറിയ ബാബു തിരിച്ചിറങ്ങുന്നതിനിടെ കാല് വഴുതി വീഴുകയായിരുന്നു. കുര്മ്പാച്ചിമലയില് കുടുങ്ങിയയാളെ കണ്ടെത്തി പാലക്കാട്: കുര്മ്പാച്ചിമലയില് വീണ്ടും ആളുകള് കയറിയെന്ന വിവരത്തെ തുടര്ന്ന് നടത്തിയ തിരച്ചിലില് ഒരാളെ കണ്ടെത്തി. പ്രദേശവാസിയായ രാധാകൃഷ്ണന് എന്നയാളാണ് കുര്മ്പാച്ചി മലയില് കയറിയത്. വനംവകുപ്പ് നടത്തിയ തെരച്ചിലിലാണ് ഇയാളെ കണ്ടെത്തിയത്. ഞായറാഴ്ച രാത്രി 12 മണിയോടെയ...
ചെമ്മാട് വൻ തോതിൽ സ്ഫോടക വസ്തു പിടികൂടി. ജലാറ്റിൻ സ്റ്റിക്കുകള്, ഡിറ്റനേറ്റര് വയറുകള് എന്നിവയാണ് പിടികൂടിയത്. ഉള്ളി ലോഡുമായി എത്തിയ ലോറിയിലായിരുന്നു ബോക്സുകളിലാക്കി സ്ഫോടക വസ്തുക്കള് ഒളിപ്പിച്ചിരുന്നത്. ലോറി ഓടിച്ചു വന്ന ഡ്രൈവര് സ്ഥലത്ത് നിന്ന് രക്ഷപെട്ടു. ചെമ്മാടുള്ള ഹോളോ ബ്രിക്സ് കടയ്ക്കുള്ളിലേക്ക് നിര്ത്തിയിട്ടിരിക്കുകയായിരുന്നു ലോറി. ഇതിൽ നിന്ന് ചെറിയ ലോറിയിലേക്ക് ഉള്ളി മാറ്റാൻ ഇന്നലെ രാത്രി വണ്ടി വന്നു. ഇതോടൊപ്പം കാറിലും ആളുകളെത്തി. ഇതിനിടെ പോലീസ് സ്ഥലത്തെത്തുകയായിരുന്നു. ഇതോടെ സ്ഥലത്തുണ്ടായിരുന്നവര് ഓടി രക്ഷപെടുകയായിരുന്നു. തുടര്ന്ന് പോലീസ് നടത്തിയ പരിശോധനയിലാണ് സ്ഫോടക വസ്തുക്കള് കണ്ടെത്തിയ്. ഉള്ളി ചാക്കുകള് നീക്കം ചെയ്തപ്പോഴാണ് സ്ഫോട വസ്തുക്കള് കണ്ടത്. സ്ഥലത്ത് പോലീസ് പരിശോധന തുടരുകയാണ്. ക്വാറികളിലേക്കായി എത്തിച്ചതാണ് സ്ഫോടക വസ്തുക്കളെന്നാണ് പ്രാഥമിക നിഗമനം. സ്ഫോടക വസ്തുക്കള് പോലീസ് പിടിച്ചെടുത്തു.