ജില്ലാ മുസ്ലിം യൂത്ത് ലീഗിന്റെ ചിറക് ക്യാമ്പയിൻ ഭാഗമായി അടക്കാപുര യൂത്ത് ലീഗ് കമ്മിറ്റി ചിറക് യൂണിറ്റ് സംഗമം സംഘടിപ്പിച്ചു
ചിറകടിച്ചു അടക്കാപുരയിലും.
"പുതിയ കാലം പുതിയ വിചാരം" ജില്ലാ മുസ്ലിം യൂത്ത് ലീഗിന്റെ ചിറക് ക്യാമ്പയിൻ ഭാഗമായി അടക്കാപുര യൂത്ത് ലീഗ് കമ്മിറ്റി ചിറക് യൂണിറ്റ് സംഗമം സംഘടിപ്പിച്ചു, മുതലമാട് യൂണിറ്റ് കമ്മിറ്റിയുമായി സഹകരിച്ച് നടന്ന സംഗമം വേങ്ങര നിയോജക മണ്ഡലം മുസ്ലിം ലീഗ് സെക്രട്ടറി പികെ അസ്ലു സാഹിബ് ഉദ്ഘാടനം നിർവഹിച്ചു.കാരണവന്മാരും, സ്ത്രീകളും, യുവാക്കളും, കുട്ടികളും നിറഞ്ഞ സദസ്സ് പ്രദേശത്ത് വീണ്ടും ഹരിത വസന്തം പൂത്തു. മുസ്ലിംലീഗ് കാരണവരായിട്ടുള്ള ഇല്ല്യൻ മുഹമ്മദ് ഹാജിയുടെയും വി ഉമ്മർ ഹാജിയുടെയും നേതൃത്വത്തിൽ യൂത്ത് ലീഗ് പതാക ഉയർത്തി സംഗമ നഗരിയിലേക്ക് ആവേശത്താൽ മുദ്രാവാക്യമുയർത്തി ജാഥയായി പുറപ്പെട്ടു. അഫീഫ് മോയന്റെ അതിമനോഹരമായിട്ടുള്ള കിറാഹത്ത് പാരായണത്തോടെ സംഗമം ഔപചാരികമായി ആരംഭിച്ചു, മുതലമാട് യൂത്ത് ലീഗ് പ്രസിഡണ്ട് പൂവൻഞ്ചേരി മുഹമ്മദലി ചടങ്ങിന് സ്വാഗതം പറഞ്ഞു, സമ്മേളന നഗരിക്ക് നാമം നൽകിയിരുന്ന നമ്മളിൽ നിന്നും വിട്ടുപിരിഞ്ഞുപോയ മർഹൂം വി കെ ബാവയേയും എ കെ നൗഫലിനേയും അനുസ്മരിച്ച് മടപ്പള്ളിഅബൂബക്കർ സാഹിബ് വീണ്ടും ഓർമ്മകൾ അവരിലേക്ക് എത്തിച്ചു.
എ കെ മുസ്തഫ സാഹിബിന്റെ മുഖ്യ പ്രഭാഷണം സദസ്സിനെ ചിന്തിപ്പിക്കുകയും ചിരിപ്പിക്കുകയും ആവേശഭരിതരാക്കുകയും ചെയ്തു, സമ്മേളന നഗരിക്ക് മാറ്റുകൂട്ടുന്നതിനുവേണ്ടി മലയിൽ നാസർ സാഹിബിന്റെ ലൈവ് കപ്പലണ്ടി കുട്ടികൾക്ക് ആവേശമായി, തുടർന്ന് പഞ്ചായത്ത് യൂത്ത് ലീഗ് പ്രസിഡന്റ് ഹാരിസ് മാളിയേക്കൽ, മണ്ഡലം യൂത്ത് ലീഗ് വൈസ് പ്രസിഡന്റ് വി കെ റസാഖ്, പഞ്ചായത്ത് യൂത്ത് ലീഗ് ജനറൽ സെക്രട്ടറി ഫത്താഹ് മൂഴിക്കൽ, വാർഡ് മെമ്പർ കുറുക്കൻ മുഹമ്മദ്, പഞ്ചായത്ത് എം എസ് എഫ് പ്രസിഡണ്ട് എ കെ സറഫു, വാർഡ് മുസ്ലിം ലീഗ് പ്രസിഡണ്ട് കുട്ടിമോൻ തങ്ങൾ, പികെ അലവിക്കുട്ടി സാഹിബ്, ചെള്ളി അവറാൻ കുട്ടി സാഹിബ്, എ പി അഷ്റഫ് എന്ന ബാവ, ഗ്രീൻ വോയ്സ് ചെയർമാൻ എ കെ അലവിബാപ്പു ശബീബ് മോയൻ തുടങ്ങിയവർ സംസാരിച്ചു.