18/01/2019

പറപ്പൂർ പഞ്ചായത്തിലെ നിരവതി പ്രവർത്തികളുടെ ഉത്ഘാടനങ്ങൾ നിയമസഭാ സ്പീക്കർ പി.ശ്രീരാമകൃഷ്ണൻ നിർവഹിക്കും


വേങ്ങര: പറപ്പൂർ പഞ്ചായത്ത് ഓഫീസ് കോൺഫ്രൻസ് ഹാളിന്റെ ഉദ്ഘാടനവും പുതിയ കെട്ടിടത്തിൽ ഓഫീസ് പ്രവർത്തനം ആരംഭിക്കലും, ഇല്ലിപിലാക്കലിൽ പുതുതായി നിർമ്മിച്ച ആയുർവേദ ഡിസ്പെൻസറി കെട്ടിടോദ്ഘാടനവും നിയമസഭാ സ്പീക്കർ പി.ശ്രീരാമകൃഷ്ണൻ ഞായറാഴ്ച നടത്തുമെന്ന് പഞ്ചായത്ത് പ്രസിഡണ്ട് പറങ്ങോടത്ത് മുഹമ്മദ് കുട്ടി, വാർഡംഗം എ.പി.ഹമീദ്, സിക്രട്ടറി എം.ജെ റാഡ്, ഡോ: സിന്ധു ലത എന്നിവർ വേങ്ങര പ്രസ് റിപ്പോർട്ടേഴ്സ് ക്ലബ്ബിൽ വാർത്താ സമ്മേളനത്തിൽ അറിയിച്ചു.കോൺഫ്രൻസ് ഹാൾ ഉദ്ഘാടനവും ഓഫീസ് പ്രവർത്തനമാരംഭിക്കലും 3.30 ന് ഓഫീസ് പരിസരത്തും, ഡിസ്പെൻസറി ഉദ്ഘാടനം ഇല്ലിപ്പിലാക്കലിൽ 5 മണിക്കും നടക്കും ഇരു പരിപാടിയിലും കെ.എൻ.എ.ഖാദർ എം.എൽ.എ അധ്യക്ഷത വഹിച്ചും, ഇല്ലിപ്പിലാക്കലിലെ ഡിസ്പെൻസറി ഉദ്ഘാടന വേദിയിൽ പി.കെ.കുഞ്ഞാലിക്കുട്ടി എം - പി.മുഖ്യാതിഥി ആയിരിക്കും.ജന പ്രതിനിധികൾ, രാഷ്ട്രീയ പാർട്ടികളുടെ പ്രതിനിധികൾ, പൊതുപ്രവർത്തകർ, സാ മൂഹ്യ, സാംസ്കാരിക പ്രവർത്തകർ സംബന്ധിക്കും -

കോ ഓപ്പറേറ്റീവ് കോളേജ് കായിക മേളയിൽ പരപ്പനങ്ങാടി യുടെ മുന്നേറ്റം.


വേങ്ങര :  കോ ഓപ്പറേറ്റീവ് കോളേജ് കായിക മേളയിൽ പരപ്പനങ്ങാടി യുടെ മുന്നേറ്റം. 91 പോയിന്റാണ് പരപ്പനങ്ങാടി കോ ഓപ്പറേറ്റീവ് കോളേജിന് ലഭിച്ചത് 31പോയിന്റ് നേടി മലബാര്‍ കോപ്പറേറ്റീവ് രണ്ടാം സ്ഥാനത്തും 30 പോയിന്റ് ഫറോഖ് കോ ഓപ്പറേറ്റീവ് കേളേജാണ് മൂന്നാം സ്ഥാനത്തുള്ളത്

മത്സരഫലങ്ങൾ : ഒന്ന് രണ്ട്, മൂന്ന് സ്ഥാന ക്രമത്തിൽ
വോളിബോൾ: ഫറോഖ് കോ ഓപ്പറേറ്റീവ് കോളേജ്  പരപ്പനങ്ങാടി കോ ഓപ്പറേറ്റീവ് കേളേജ്
ഫുട്ബോൾ: പരപ്പനങ്ങാടി , മലപ്പുറം 
ലോങ്ങ് ജംമ്പ് (ആൺ) : ഹബീബ് റഹ്മാന്‍ (പരപ്പനങ്ങാടി ),സിവി റിയാസ് (മലബാര്‍ പരപ്പനങ്ങാടി ),വി പി സാലിഹ് (ഫറോഖ്)
പെൺ: സാഹിന (പരപ്പനങ്ങാടി ),രോഹിണി (നിലമ്പൂര്),തുല്യ (ഫറോഖ്).
ജാവലിംങ്ങ് ത്രോ (ആൺ) പ്രണവ് (പരപ്പനങ്ങാടി ),ജിതിൻ രാജ് (ഫറോഖ്) രാഹുൽ (തിരൂര്) പെൺ: വൈഷ്ണവി (പരപ്പനങ്ങാടി ),നിഹാല (ഫറോഖ്) ഇർഫാന (വേങ്ങര )
ട്രിപ്പിൾ ജംമ്പ് : അഭിമന്യൂ (നിലമ്പൂര്), മുഹമ്മദ് സിയാസ് (പരപ്പനങ്ങാടി ),രാഹുൽ (തിരൂര്). ഷോർട് പുട്ട് (ആൺ) കെ റമീഷ് (ഫറോഖ്), അന്ജു വിശ്വനാഥൻ (പരപ്പനങ്ങാടി ), മുഹമ്മദ് റഫീഖ് (നിലമ്പൂര്).പെൺ : വൈശാവി എം ജി(പരപ്പനങ്ങാടി )എ പി ഇർഫാന (വേങ്ങര ) പി ടി മേഖ (ഫറോഖ്), ഡിസ്ക്സസ് ത്രോ ആൺ:പ്രണവ്  (പരപ്പനങ്ങാടി )ശബിൻ റഹ്മാന്‍ (നിലമ്പൂര്), തസ്രീഫ് (മലബാര്‍ പരപ്പനങ്ങാടി ) പെൺ : വൈഷ്ണവി  എം ജി പരപ്പനങ്ങാടി ,എ പി ഇർഫാന (വേങ്ങര ) ഗോപിക (തിരൂരങ്ങാടി ).

വേങ്ങരയിൽനിന്നുള്ള പത്രവാർത്ത






17/01/2019

കൊടുവള്ളി എം.എല്‍.എ. കാരാട്ട് റസാഖിന്റെ തിരഞ്ഞെടുപ്പ് ജയം റദ്ദാക്കി

Hകൊടുവള്ളി എം.എല്‍.എ. കാരാട്ട് റസാഖിന്റെ തിരഞ്ഞെടുപ്പ് വിജയം ഹൈക്കോടതി റദ്ദാക്കി. ഇടത് സ്വതന്ത്രനായി മത്സരിച്ച കാരാട്ട് റസാഖ് എതിര്‍സ്ഥാര്‍ഥി എം.എ റസാഖ് മാസ്റ്ററെ വ്യക്തിപരമായി തേജോവധം ചെയ്യുന്ന ഡോക്യുമെന്ററി നിര്‍മിച്ച് പ്രചരണം നടത്തിയെന്ന പരാതിയിലാണ് കോടതി തിരഞ്ഞെടുപ്പ് റദ്ദാക്കിയത്. 

കൊടുവള്ളി സ്വദേശികളായ കെ.പി. മുഹമ്മദ്, മുഹമ്മദ് കുഞ്ഞി എന്നിവരാണ് കാരാട്ട് റസാഖിനെതിരെ ഹൈക്കോടതിയില്‍ ഹര്‍ജി നല്‍കിയത്.

വേങ്ങര എംഎൽഎ ഓഫീസ് അറിയിപ്പ്(17/1/2019)

വേങ്ങര നിയോജക മണ്ഡലം വേങ്ങര ഒതുക്കുങ്ങൽ കുഴിപ്പുറം ആട്ടീരി കോട്ടക്കൽ പിഡബ്ല്യുഡി റോഡ് പുനരുദ്ധാരണ പ്രവർത്തിക്ക്
59,21,274  ലക്ഷം രൂപ ഭരണാനുമതി ലഭിച്ചതായി വേങ്ങര എംഎൽഎ Adv: KNAഖാദർ സാഹിബ് അറിയിച്ചു

ഇരിങ്ങല്ലൂർ PHC ഉടൻ പുതുക്കി പണിയണമെന്ന് ആവിശ്യപ്പെട്ട് വകുപ്പ് മന്ത്രിക്ക് നിവേദനം നൽകി

വേങ്ങര: പറപ്പൂർ പഞ്ചായത്തിലെ  ഇരിങ്ങല്ലൂർ PHC ഉടൻ പുതുക്കി പണിയണമെന്ന് അഭ്യാത്ഥിച്ചു കൊണ്ട് പാലാണി, കട്ടക്കൽ ബ്രാഞ്ചു  കമ്മറ്റികൾ സംയുക്തമായി ആരോഗ്യ മന്ത്രി സഖാവ് K Kശൈലജ ടീച്ചർക്ക് നിവേദനം നൽകി 

വേങ്ങരയിൽനിന്നുള്ള പത്രവാർത്തകൾ





16/01/2019

മികച്ച നിയമ സഭാ സാമാജികനുള്ളവർക്കല രാധാ കൃഷ്ണൻ പുരസ്കാരത്തിന് അർഹനായ KNA .ഖാദർ MLA യ്ക്ക് പൊന്നാട അണിയിച്ച് ആദരിച്ചു

അത്തിപ്പറ്റ ഉസ്താദ് അനുസ്മരണം ഇന്ന് വേങ്ങരയില്‍ 

വേങ്ങര : വേങ്ങര മേഖല എസ്.കെ.എസ്.എസ്.എഫ് കമ്മറ്റി സംഘടിപ്പിക്കുന്ന  അത്തിപ്പറ്റ ഉസ്താദ്  അനുസ്മരണവും പ്രാര്‍ത്ഥനാ സദസ്സും ഇന്ന് വൈകുന്നേരം 6.30 ന് വേങ്ങര എ.പി.എച്ച് ഓഡിറ്റോറിയത്തില്‍ വെച്ച് നടക്കും 
പാണക്കാട് സയ്യിദ് ഹാശിറലി ശിഹാബ് തങ്ങള്‍ അധ്യക്ഷത വഹിക്കും.  എസ്.കെ. എസ്.എസ്.എഫ് വെസ്റ്റ് ജില്ലാ പ്രസിഡന്റ് സയ്യിദ് ഫഖ്‌റുദ്ദീന്‍ ഹസനി തങ്ങള്‍ കണ്ണന്തളി ഉദ്ഘാടനം ചെയ്യും. സമസ്ത കേന്ദ്ര മുശാവറ അംഗം ശൈഖുനാ കോട്ടുമല മൊയ്തീന്‍കുട്ടി മുസ്‌ലിയാര്‍ പ്രാര്‍ത്ഥനക്ക് നേതൃത്വം നല്‍കും. ഉസ്താദ് റഹ്മത്തുള്ള ഖാസിമി മുത്തേടം, ഉസ്താദ് വാഹിദ് മുസ്‌ലിയാര്‍ അത്തിപ്പറ്റ തുടങ്ങിയവര്‍ അനുസ്മരണ പ്രഭാഷണം നിര്‍വ്വഹിക്കും

വേങ്ങരയിൽ നിന്നുള്ള പത്രവാർത്തകൾ






15/01/2019

വേങ്ങരയിൽനിന്നുള്ള പത്രവാർത്തകൾ








മടപ്പള്ളി മൂസക്കുട്ടി ഹാജി മരണപെട്ടു. 


വലിയോറ: കുന്നുമ്മൽ മഹല്ലിന്റെ ദീർഘ കാല ജനറൽ സെക്രട്ടറി യും കാരണവരും സുന്നി മഹല്ല് ഫെഡറേഷൻ, ചെമ്മാട് ദാറുൽ ഹുദ ഇസ്‌ലാമിക് യൂണിവേയ്സിറ്റി യുടെയും, ചേറൂർ പൂക്കോയ തങ്ങൾ സ്മാരക യതീം ഖാനയുടെയും സ്ഥാപക നേതാക്കളിൽ പ്രധാനിയും  പൗര പ്രമുഖനും മുസ്‌ലിം ലീഗിന്റെ മുൻകാല നേതാവുമൊക്കെ ആയിരുന്ന മടപ്പള്ളി മൂസക്കുട്ടി ഹാജി മരണപെട്ടു. ഒരു കാലത്ത് നാട്ടിലെ മത രാഷ്ട്രീയ പൊതു രംഗത്ത് നിറഞ്ഞു നിന്നിരുന്ന മൂസക്കുട്ടി ഹാജി ചെറിയ തോതിൽ ഉള്ള അസുഖം മൂലം എല്ലാ രംഗത്ത് നിന്നും മാറി നിൽക്കുകയായിരുന്നു.
  മക്കൾ  -മുഹമ്മദ്‌ സ്വാലിഹ്, ഗുലാം മുഹിയുദ്ധീൻ  ജിദ്ദ, മുനീറുദ്ധീൻ മാസ്റ്റർ , പീവീസ് സ്കൂൾ മാനേജർ  ഹാരിസ് ഹുദവി , സിദ്ധീഖ് ,  റൈഹാനത്ത് , മുബീന

14/01/2019

PPTMYHS ചേറൂർ സ്കൂളിൽ ചെങ്ങായി ചെപ്പ് പദ്ധതിക്ക് തുടക്കം



വേങ്ങര:പി.പി.ടി.എം വൈ. എച്ച് എസ് ചേറൂർ ചെങ്ങായി ചെപ്പ് പദ്ധതിയുടെ ഭാഗമായി തെരുവോരം സന്നദ്ധ സംഘടനയുമായി സഹകരിച്ച് പാണക്കാട് പൂക്കോയ തങ്ങൾ യതീംഖാന സ്കൂൾ ചേറൂരിൽ നിന്ന്  ശേഖരിച്ച ഭക്ഷണം , തെരുവിൽ കഴിയുന്ന അശരണർക്ക് എത്തിക്കാനുള്ള പദ്ധതിക്ക് തുടക്കമായി, ബഷീർ ചാലിൽ (ആൾ കേരള വീൽചെയർ റൈറ്റ്സ് അസോസിയേഷൻ  ഭാരവാഹി) ഉൽഘാടനം ചെയ്‌തു

പദ്ധതിയുടെ ഭാഗമായി ശേഖരിച്ച ഭക്ഷണം, കോഴിക്കോട് ,മലപ്പുറം ജില്ലകളിലെ തെരുവിൽ കഴിയുന്നവർക്ക് വിദ്യാർത്ഥികൾ വിതരണം ചെയ്തു

ഹെഡ്മാസ്റ്റർ അബ്ദുൽ മജീദ് പറങ്ങോടത്ത്, പി.ടി.എ പ്രസിഡന്റ് പൂക്കുത്ത് മുജീബ്,കോർഡിനേറ്റർ അബൂബക്കർ പുളിക്കൽ ,
ബാബു, കെ.യു , ഫാറൂക് സി.എച്ച് , മോനച്ചൻ, ടി.പി ശശികുമാർ, കെ പി സുധീർ  തെരുവോരം, അയ്യൂബ് എ കെ
സ്റ്റാഫ് സെക്രട്ടറി,കെ അബ്ദുൽ മജീദ് എന്നിവർ നേതൃത്വം നൽകി.

വേങ്ങരയിൽ നിന്നുള്ള പത്രവാർത്തകൾ









13/01/2019

 പ്രോ വോളിബോൾ ലീഗിനായി കാലിക്കറ്റ് ഹീറോസും തയ്യാറായിക്കഴിഞ്ഞു


കോഴിക്കോട് ആസ്ഥാനമായ ബീക്കൺ ഇൻഫോടെക്കിന് കീഴിലുള്ള ബീക്കൺ സ്പോർട്സിൻറെ വോളിബോൾ ടീമാണ് കാലിക്കറ്റ് ഹീറോസ്. കേരള വനിതകൾ ദേശീയ ചാമ്പ്യൻഷിപ്പിൽ വിജയാരവം മുഴക്കിയതിന് പിന്നാലെ പ്രോ വോളിബോൾ ലീഗിനായി കാലിക്കറ്റ് ഹീറോസും തയ്യാറായിക്കഴിഞ്ഞു. കാലിക്കറ്റ് ഹീറോസ് ആരാധകരുടെ കൂട്ടായ്മ ഞായറാഴ്ച കോഴിക്കോട് നടന്നു. ഇന്ത്യയുടെ മുൻതാരവും കാലിക്കറ്റ് ഹീറോസ് കോച്ചുമായ കിഷോർ കുമാർ, ടീമംഗങ്ങളായ സി കെ രതീഷ്, അജിത് ലാൽ, കേരള ക്യാപ്റ്റൻ ഫാത്തിമ റുക്സാന, ടീം ഉടമകളായ പി ടി സഫീർ, ടി കെ ജഷീർ,  വി കെ ഷംനാസ് , വോളിബോൾ കോച്ച് നാസർ തുടങ്ങിയവർ ചടങ്ങിന് ആവേശം പകർന്നു.

പരപ്പിൽ പാറ യുവജന സംഗം (PYS)13 വാർഷികാഘോഷ സാംസ്‌കാരിക സമ്മേളനത്തിനോടനുബന്ധിച്‌ ഘോഷയാത്രയും കലാവിരുന്നും സംഘടിപ്പിച്ചു

വലിയോറ:പരപ്പിൽ പാറ യുവജന സംഗം (PYS)13 വാർഷികാഘോഷ സാംസ്‌കാരിക സമ്മേളനത്തിനോടനുബന്ധിച്‌ ഘോഷയാത്രയും കലാവിരുന്നും സംഘടിപ്പിച്ചു  വൈകുന്നേരം 3;30 pm ന് പരപ്പിൽ പാറയിൽ നിന്നും
നാസിക് ഡോളിന്റെയും ദഫ് മുട്ടിന്റെയും ഒപ്പനയുടെയും കോൽക്കളിയുടെയും
അകമ്പടിയിൽ ഘോഷയാത്രയും 
പരിപാടിയുടെ ഭാഗമായി പരപ്പിൽ പാറയിലെ കലാകാരൻമാരുടെ  കലാവിരുന്നും
തുടർന്ന്  സാംസ്‌കാരിക
 സമ്മേളനവും
കർഷകരെ ആദരിക്കൽ ചടങ്ങും ഇമ്പമാർന്ന ഇശലിന്റെ ഈരടിയിൽ കാലിക്കറ്റ് മെഹ്ഫിൽ ബാന്റ് അണിയിച്ചൊരുക്കുന്ന
മ്യൂസിക് നൈറ്റും അരങ്ങേറി

ജലനിധിക്ക് വേണ്ടി പൊളിച്ച റോഡ് റീടാറിങ്‌ നടത്തി


വേങ്ങര:ജലനിധിക്ക് വേണ്ടി പൊളിച്ച റോഡുകളുടെ റീടാറിങ് അവസാന ഘട്ടത്തിൽ. വേങ്ങര ഗ്രാമ പഞ്ചായത്തിലെ ജലനിധി കുടിവെള്ള പദ്ധതിക്ക് വേണ്ടി പൊളിച്ച 18 ,19 വാർഡിലെ  ആര്യാ സർവീസ് റോഡ്  റീ ടാറിങ് - ന് ശേഷം പഞ്ചായത്ത് പ്രസിഡന്റ്  വി.കെ കുഞ്ഞാലൻ കുട്ടി  ഉൽഘാടനം ചെയ്ത് തുറന്ന് കൊടുത്തു.

വേങ്ങര ബ്ലോക്ക് തുല്യത കോഴ്‌സ് ഉദ്ഘാടനം ജില്ലാ പഞ്ചായത്ത് പ്രസിഡന്റ് എ.പി ഉണ്ണികൃഷ്ണൻ നിർവഹിച്ചു


  വേങ്ങര: ബ്ലോക്ക് സാക്ഷരതാ മിഷന്റെ കീഴിൽ പത്താംതരം ഹയർ സെക്കന്ററി ക്ലാസ്സുകളുടെ ഉദ്ഘാടനം ബ്ലോക്ക് പ്രസിഡന്റ്  ചാക്കീരി അബ്ദുൽ ഹഖിന്റെ അദ്ധ്യക്ഷതയിൽ ജില്ലാ പഞ്ചായത്ത് പ്രസിഡന്റ് എ.പി ഉണ്ണിക്കൃഷ്ണൻ നിർവഹിച്ചു. ഭരണഘടന ബോധ ബ്ലോരണ ക്ലാസ്സിന്വൈ ഇ കെ സുബൈർ മാസ്റ്റർ നേതൃത്വം നൽകി. വൈസ് പ്രസിഡന്റ് ബുഷ്റമജീദ്,.പി.പി ഹസ്സൻ,.ടി.കെ അബ്ദുറഹിം, .പി.വി.കെ ഹസീന ,റസിയ ചെമ്പകശ്ശേരി, ജില്ലാ കോഴ്സ് കൺവീനർ .കെ.കെ ഹംസ മാസ്റ്റർ, ലത്തീഫ് , പ്രേരക്മാരായ പി.ആബിദ വി.സ്മിത, വി.ഹേമലത, പി.ടി. ശ്രീദേവി എന്നിവർ പ്രസംഗിച്ചു. 

KNA ഖാദർ MLA റോഡ് ഉത്ഘാടനങ്ങൾ നിർവഹിച്ചു

വേങ്ങര എംഎൽഎ. Adv. KNAഖാദർ പ്രാദേശിക വികസന ഫണ്ട് ഉപയോഗിച്ച് നിർമിച്ച
ആട്ടീരി കാച്ചടി പാറ തേക്കിൻ കോളനി റോഡ് ഉദ്ഘാടനം കെഎൻഎ ഖാദർ സാഹിബ് നിർവഹിച്ചു 
വേങ്ങര എംഎൽഎ. Adv. KNAഖാദർ പ്രാദേശിക വികസന ഫണ്ട് ഉപയോഗിച്ച് നിർമിച്ച
ചോലക്കുണ്ട് കുറ്റി അപ്ര മണ്ണാർ ഉണ്ട്  റോഡ് ഉദ്ഘാടനം കെഎൻഎ ഖാദർ സാഹിബ് നിർവഹിച്ചു 

പുഴച്ചാൽ എ.എൽ.പി. സ്‌കൂൾ ’ചാരിറ്റബിൾ ട്രസ്റ്റ്’ നിർമിച്ചുനൽകുന്ന കാരുണ്യഭവനത്തിന്റെ താക്കോൽ കെ.എൻ.എ. ഖാദർ എം.എൽ.എ. ഉടമസ്ഥന് കൈമാറി

വേങ്ങര: പുഴച്ചാൽ എ.എൽ.പി. സ്‌കൂൾ ’ചാരിറ്റബിൾ ട്രസ്റ്റ്’ നിർമിച്ചുനൽകുന്ന കാരുണ്യഭവനത്തിന്റെ താക്കോൽ കെ.എൻ.എ. ഖാദർ എം.എൽ.എ. ഉടമസ്ഥന് കൈമാറി. രണ്ട് കിടപ്പുമുറികളും ഭക്ഷണഹാളും അടുക്കളയും ശുചിമുറിയും വരാന്തയും അടങ്ങുന്ന വീട് പൂർണമായും പണികഴിച്ച് വീട്ടുപകരണങ്ങൾ ഉൾപ്പെടെയാണ് കൈമാറിയത്. കെട്ടിട നിർമാണത്തിന് ഏഴുലക്ഷം രൂപയോളം ചെലവായി. ബ്ലോക്ക് പഞ്ചായത്ത് പ്രസിഡന്റ് ചാക്കീരി അബ്ദുൽഹഖ് അധ്യക്ഷനായി. പറപ്പൂർ ഗ്രാമപ്പഞ്ചായത്ത് പ്രസിഡന്റ് പറങ്ങോടത്ത് മുഹമ്മദ്കുട്ടി, ബുഷ്‌റ മജീദ്, പി.കെ. അസ്‌ലു, ഐകാടൻ വേലായുധൻ, കെ.എ. റഹീം, എ.പി. ഹമീദ്, പി.വി.കെ. ഹസീന, വി.ആർ. ഭാവന, പ്രഥമാധ്യാപകൻ എം.ആർ. രഘു എന്നിവർ പ്രസംഗിച്ചു.

വേങ്ങരയിൽനിന്നുള്ള ഇന്നത്തെ പത്രവാർത്തകൾ