തിരുവനന്തപുരം: നാളെ സംസ്ഥാന വ്യാപകമായ ബിജെപി ഹര്ത്താല്. സെക്രട്ടറിയറ്റിന് മുന്നിലെ ബിജെപി സമരപ്പന്തലിന് മുന്നില് സ്വയം തീകൊളുത്തി ആത്മാഹൂതിശ്രമം നടത്തിയ ആള് മരിച്ചതില് പ്രതിഷേധിച്ചാണ് ഹര്ത്താല്. രാവിലെ ആറ് മുതല് വൈകീട്ട് ആറുമണി വരെയാണ് ഹര്ത്താല്. ശബരിമല തീര്ത്ഥാടകരെ ഹര്ത്താലില് നിന്ന് ഒഴിവാക്കിയിട്ടുണ്ട്. മുട്ടട സ്വദേശി വേണുഗോപാലന് നായരാണ് മരിച്ചത്.