വേങ്ങര : കുറ്റൂർ നോർത്ത് KMHSS ഹയർ സെക്കൻഡറി സ്കൂളിലെ നിർദ്ധരരും നിരാലംബരും,മാറാരോഗം ബാധിച്ച രക്ഷിതാക്കളുടെ കുട്ടികൾക്കും സഹായം നൽകുന്നതിന് വേണ്ടി കരുതൽ എന്ന പദ്ധതി ആരംഭിച്ചു. ഇതിന്റെ ഉദ്ഘാടനം സ്കൂൾ മാനേജർ മജീദ്മാഷ് ഉദ്ഘാടനം ചെയ്തു. ഹെഡ്മാസ്റ്റർ ഗിരീഷ് കുമാർ അധ്യക്ഷത വഹിച്ചു. പദ്ധതിയുടെ ആദ്യ ധനസമാഹാരണം KMHSS അലുംനി ട്രഷറർ ഗഫൂർ മച്ചിങ്ങലിൽ നിന്നും മാനേജർ സ്വീകരിച്ചു. ചടങ്ങിൽ അധ്യാപകരായ ശംസുദ്ധീൻ,സാബിക്, സുകുമാരൻ, മുഹമ്മദ്, ജോഷിത്ത്, റിയാസ്, അമീർഅലി,ഗീത ടീച്ചർ സംസാരിച്ചു.
കാസര്കോട് മത്സ്യബന്ധന ബോട്ട് മറിഞ്ഞ് അപകടം; പരപ്പനങ്ങാടി സ്വദേശി മരിച്ചു, ഒരാളെ കാണാനില്ല, 35 പേരെ രക്ഷപ്പെടുത്തി
കാസര്കോട് കാസര്കോട് നീലേശ്വരം അഴിത്തലയിൽ മത്സ്യബന്ധന ബോട്ട് മറിഞ്ഞുണ്ടായ അപകടത്തിൽ ഒരാള് മരിച്ചു. പരപ്പനങ്ങാടി സ്വദേശി അബൂബക്കര് (58) ആണ് മരിച്ചത്. മുനീര് എന്നയാളെയാണ് കാണാതായത്. ഇയാള്ക്കായി തെരച്ചിൽ തുടരുകയായിരുന്നു. ബോട്ടിലുണ്ടായിരുന്ന മറ്റു 35 പേര് നീന്തി രക്ഷപ്പെട്ടു. നീന്തി രക്ഷപ്പെട്ടവരെ കോസ്റ്റ്ഗാര്ഡും രക്ഷാപ്രവര്ത്തകരും ചേര്ന്ന് കരയിലെത്തിക്കുകയായിരുന്നു. രക്ഷപ്പെട്ടവരിൽ ഒമ്പതുപേര് ജില്ലാ ആശുപത്രിയിൽ ചികിത്സയിലാണ്. പടന്ന സ്വദേശിയുടെ ഇന്ത്യന് എന്ന ബോട്ടാണ് അപകടത്തില്പ്പെട്ടത്. ആദ്യഘട്ടത്തിൽ കോസ്റ്റ്ഗാര്ഡിനും രക്ഷാപ്രവർത്തകര്ക്കും രൂക്ഷമായ കടലേറ്റം കാരണം ബോട്ടിന് അടുത്തെത്താനാകാത്തതും വെല്ലുവിളിയായിരുന്നു. മലപ്പുറം ചെട്ടിപ്പടി സ്വദേശികളും ഒറീസ, തമിഴ്നാട് സ്വദേശികളുമാണ് ബോട്ടിൽ ഉണ്ടായിരുന്നത്.ഏറെ നേരത്തെ ശ്രമത്തിനൊടുവിലാണ് നീന്തികയറിയവരെ രക്ഷപ്പെടുത്തിയത്. ശക്തമായ തിരയിൽപ്പെട്ടാണ് ബോട്ട് മറിഞ്ഞത്.
അഭിപ്രായങ്ങള്
ഒരു അഭിപ്രായം പോസ്റ്റ് ചെയ്യൂ