പള്സ് പോളിയോ ഇമ്മ്യൂണൈസേഷന് പരിപാടി സംസ്ഥാന വ്യാപകമായി ഫെബ്രുവരി 27 ഞായറാഴ്ച നടക്കും. കോവിഡ് സാഹചര്യത്തില് കുട്ടികളുടെ സുരക്ഷ ഉറപ്പാക്കി കോവിഡ് മാര്ഗനിര്ദേശങ്ങള് കര്ശനമായി പാലിച്ചായിരിക്കും പോളിയോ പ്രതിരോധ തുള്ളിമരുന്ന് വിതരണം ചെയ്യുക. കേരളത്തിലെ അഞ്ച് വയസ് വരെയുള്ള 24,36,298 കുട്ടികള്ക്ക് ഈ ദിനത്തില് പ്രത്യേകം സജ്ജീകരിച്ച ബൂത്തുകള് വഴി പോളിയോ തുള്ളിമരുന്ന് നല്കുവാനാണ് ലക്ഷ്യമിടുന്നത്. ട്രാന്സിറ്റ്, മൊബൈല് ബൂത്തുകള് ഉള്പ്പെടെ 24,614 ബൂത്തുകളാണ് പ്രവര്ത്തിക്കുന്നത്. തുളളിമരുന്ന് വിതരണം ചെയ്യുന്നതിനായി 49,228 വോളണ്ടിയര്മാര്ക്കും 2,183 സൂപ്പര്വൈസര്മാര്ക്കും പരിശീലനം നല്കിയിട്ടുണ്ട്. രാവിലെ 8 മണി മുതല് വൈകിട്ട് 5 മണി വരെ പ്രവര്ത്തിക്കുന്ന ബൂത്തുകളിലെ തിരക്ക് ഒഴിവാക്കുവാനായി ആരോഗ്യ പ്രവര്ത്തകര് നിര്ദ്ദേശിക്കുന്ന സമയത്ത് കുട്ടികളെ കൊണ്ടുപോയി തുള്ളിമരുന്ന് നല്കാന് അമ്മമാര് പ്രത്യേകം ശ്രദ്ധിക്കണം. സ്കൂളുകള്, അങ്കണവാടികള്, വായനശാലകള്, ആരോഗ്യ സ്ഥാപനങ്ങള് എന്നിവിടങ്ങളിലെ ബൂത്തുകള്, ബസ് സ്റ്റാന്റുകള്, റെയില്വേ സ്റ്റേഷനുകള്, വിമാനത്താവളങ്ങള് എന്ന