വേങ്ങര: നമ്മുടെ നാടിന്റെ ഏറ്റവും വലിയ സാമൂഹിക വെല്ലുവിളിയായി മാറിക്കൊണ്ടിരിക്കുന്ന ലഹരി മരുന്നിനെതിരെയുള്ള ക്യാമ്പയിന്റെ ഭാഗമായി വലിയോറ പരപ്പിൽ പാറയിൽ ജനകീയ കൂട്ടാഴ്മ സംഘടിപ്പിച്ചു.
പരപ്പിൽ പാറ മുസ്ലിം ലീഗ് കമ്മിറ്റി സംഘടിപ്പിച്ച കൂടിയാലോചന യോഗത്തിൽ പ്രദേശത്തെ വിവിധ രാഷ്ട്രീയപാർട്ടി പ്രതിനിധികൾ ,സാമൂഹിക, സാംസ്കാരിക പ്രവർത്തകർ, മത സംഘടന നേതാക്കൾ,അധ്യാപകർ,ആശാ വർക്കർമാർ , അംഗനവാടി വർക്കർമാർ,ക്ലബ്‌ പ്രവർത്തകർ, രക്ഷിതാക്കൾ എന്നിവരുടക്കമുള്ളവരുടെ സജീവ പങ്കാളിത്തം ഉണ്ടായിരുന്നു.
വി. ടി. കുട്ടിമോൻ തങ്ങളുടെ അധ്യക്ഷതയിൽ വാർഡ് മെമ്പർ കുറുക്കൻ മുഹമ്മദ് യോഗം ഉദ്ഘാടനം ചെയ്തു.
ഒക്ടോബർ 2 മുതൽ ക്യാമ്പയിൻ പ്രവർത്തനങ്ങൾക്ക് ആരംഭം കുറിക്കും. മൈക്രോ കുടുംബ സംഗമങ്ങൾ, ബോധവത്കരണ ക്ലാസുകൾ, ലഘുലേഖ വിതരണം, സെമിനാറുകൾ, സോഷ്യൽ മീഡിയ പ്രചാരണങ്ങൾ, നിരീക്ഷണം തുടങ്ങിയ പ്രവർത്തനങ്ങളാണ് ക്യാമ്പയിന്റെ ആദ്യ ഘട്ടമായി നടക്കുക.
ക്യാമ്പയിൻ പ്രവർത്തനങ്ങളിൽ യുവാക്കൾ, വിദ്യാർത്ഥി, വിദ്യാർത്ഥിനികൾ, രക്ഷിതാക്കൾ, അധ്യാപകർ,വിദ്യാഭ്യാസ സ്ഥാപനങ്ങളുടെ മേലധികാരികൾ, പി. ടി. എ കമ്മിറ്റികൾ, മത അധ്യാപകർ, മദ്രസാ കമ്മിറ്റികൾ, ക്ഷേത്ര ഭാരവാഹികൾ, വനിതകൾ, വ്യാപാരികൾ, ഡ്രൈവർമാർ,കുടുംബ ശ്രീ പ്രവർത്തകർ എന്നിവരുടെ പങ്കാളിത്തം ഉറപ്പ് വരുത്തും.
പോലീസ്, എക്‌സൈസ്, വിമുക്തി മിഷൻ
ഈ രംഗത്ത് പ്രവർത്തിക്കുന്ന കൗൺസിലർമാർ എന്നിവരുടെ സഹായം ഉപയോഗപ്പെടുത്തും.
ക്യാമ്പയിൻ പ്രവർത്തനങ്ങൾക്കായി വിവിധ മേഖലകളിലുള്ളവരെ ഉൾപെടുത്തി ജാഗ്രത സമിതിയും രൂപീകരിച്ചു.ജാഗ്രത സമിതി ചെയർമാനായി ഗംഗാധരൻ കക്കളശ്ശേരിയെയും കനറൽ കൺവീനറായി സഹീർ അബ്ബാസ് നടക്കലിനെയും തെരഞ്ഞെടുത്തു.
എ.കെ നസീർ, ഗംഗാധരൻ കക്കാളശ്ശേരി, ഹാരിസ് മാളിയേക്കൽ, ഹമീദലി മാസ്റ്റർ, കല്ലൻ അബ്ദുള്ള, സമദ് കുറുക്കൻ, ഫൈസൽ മാഷ്, മുജീബ് ബാഖവി, മാളിയേക്കൽ സൈതലവി ഹാജി, നടക്കൽ അവറാൻ കുട്ടി, ചെള്ളി അവറാൻകുട്ടി,റിയാസ് നടക്കൽ, ശിവശങ്കരൻ , സഹീർ അബ്ബാസ് നടക്കൽ എന്നിവർ പ്രസംഗിച്ചു.
അഭിപ്രായങ്ങള്‍
ഒരു അഭിപ്രായം പോസ്റ്റ് ചെയ്യൂ