മലപ്പുറം: കിലോയ്ക്ക് 160 രൂപ കടന്ന ഇറച്ചിക്കോഴിവില സമീപകാലത്തെ റെക്കാഡ് വില തകര്ച്ചയായ 97 ലേക്ക് നിലം പൊത്തി.
ആടിമാസത്തില്(കര്ക്കടകം) നോണ്വെജ് വിഭവങ്ങളോട് തമിഴ്നാട്ടുകാര്ക്കുള്ള താത്പര്യ കുറവ് കാരണം വന്തോതില് കേരളത്തിലേക്ക് കോഴി എത്തിയതാണ് വില കുറയാന് കാരണം.
തമിഴ്നാട്ടിലെ കമ്ബം, തേനി, ഉത്തമപാളയം, ഗൂഡല്ലൂര്, രായപ്പന്പെട്ടി, നാമക്കല് തുടങ്ങിയ സ്ഥലങ്ങളിലെ ഫാമുകളില് നിന്നാണ് കേരളത്തിലേക്ക് കൂടുതലായി ഇറച്ചിക്കോഴികളെ എത്തിക്കുന്നത്.
കര്ക്കടകമാസത്തില് കേരളത്തിലും ഇറച്ചി വിഭവങ്ങളോട് പ്രിയം കുറവാണ്. വിവാഹ സീസണല്ലാത്തതും വില ഇടിവിന് കാരണമായി.അതേസമയം ഇറച്ചിക്കോഴിയുടെ വില കുത്തനെ ഇടിഞ്ഞിട്ടും ഹോട്ടലുകളില് ചിക്കന് വിഭവങ്ങള്ക്ക് പൊള്ളുന്ന വിലതന്നെയാണുള്ളത്.
ചിക്കന് കറി, ഫ്രൈ, ഷവര്മ്മ, ഷവായ് തുടങ്ങിയ വിഭവങ്ങള്ക്ക് നഗരത്തിലെയും ഗ്രാമങ്ങളിലെയും ഹോട്ടലുകളിലും തട്ടുകടകളിലും ഒരു രൂപപോലും കുറവ് വന്നിട്ടില്ല.കോഴിമുട്ട മൊത്തവില അഞ്ചുരൂപയില് താഴ്ന്നിട്ടും ഓംലറ്റ്, ബുള്സ് ഐ എന്നിവയുടെ വിലയും കുറച്ചിട്ടില്ല.
ഏവരെയും മോഡി ബിസ്നസ് പഠിപ്പിച്ചല്ലോ. ക്രൂഡ് ഓയിലിന് വില കൂടുമ്പോൾ പെട്രോളിയം ഉൽപന്നങ്ങൾക്ക് വില ഉയർത്താതെ വയ. ലോക വിപണിയിലെ ക്രൂഡ് ഓയിൽ, പെട്രോളിയം ഉൽപന്നങ്ങളുടെ വില ഇടിയുമ്പോൾ അതിനെ ഒരു പരിധി വരെ താങ്ങി നിർത്താൻ ഇന്ത്യൻ ആഭ്യന്തരെ പെട്രോളിയം വില ഉയർത്തൽ ധാർമ്മികോത്തരവാദിത്തവുമാണല്ലോ. അതെ നിലപാടിലാണ് ഹോട്ടലുകാരും.
മറുപടിഇല്ലാതാക്കൂ