എസ് ബി ഐ യോനോ അക്കൗണ്ട് ബ്ലോക്കായി, കൊടക്ക് മഹേന്ദ്ര ബാങ്ക് അകൗണ്ട് സസ്പെന്റ് ചെയ്തു, SBI അകൗണ്ട് സസ്പെന്റ് ചെയ്തു എന്നീ നിരവധി ബാങ്കുകളുടെ പേരിൽ വ്യാപക തട്ടിപ്പ് അരങ്ങേറുന്നതായി റിപ്പോർട്ട്. ടെക്സ്റ്റ് മെസേജായി ഫോണിലേക്ക് പാൻ കാർഡ് ആഡ് ചെയ്യണം, അത് പോലെ ശരിയാകുവാൻ തായേയുള്ള ലിങ്കിൽ ക്ലിക്ക് ചെയുക തുടങ്ങിയ സന്ദേശമയച്ചാണ് തട്ടിപ്പ് നടത്തുന്നത്. നിരവധിയാളുകൾക്ക് ഈ രീതിയിൽ മെസേജ് വന്നതായും തട്ടിപ്പിനിരയായതായും റിപ്പോർട്ടുകളുണ്ട്.ബാങ്ക് അകൗണ്ട് ഉള്ളവർക്കും ഇല്ലാത്തവർക്കും ഇത്തരം മെസേജുകൾ വരുന്നുണ്ട്.
ഒറ്റനോട്ടത്തിൽ ബാങ്ക് ഉപയോക്താക്കൾക്ക് ബാങ്കിൽ നിന്നും അയക്കുന്ന സന്ദേശം എന്ന് തോന്നിക്കുന്ന രൂപത്തിലാണ് ഇത്തരം തട്ടിപ്പുകാർ ടെക്സ്റ്റ് മെസേജ് അയക്കുന്നത്.
എസ് ബി ഐയോനോ അക്കൗണ്ട് ബ്ലോക്കായിരിക്കുകയാണ്. പാൻ കാർഡ് വിവരങ്ങളും നെറ്റ് ബാങ്ക് വിവരങ്ങളും അപ്ഡേറ്റ് ചെയ്യാൻ ലിങ്കിൽ ക്ലിക്ക് ചെയ്യണം എന്നാണ് സന്ദേശത്തിന്റെ ഉള്ളടക്കം.
എന്നാൽ ഇത് തീർത്തും തെറ്റായ സന്ദേശമാണെന്നാണ് പ്രസ് ഇൻഫർമേഷൻ ബ്യൂറോ (പി ഐ ബി) ഫാക്ട് ചെക്ക് വിഭാഗം വ്യക്തമാക്കുന്നത്. ബാങ്കിങ് വിവരങ്ങൾ ചോദിച്ചുകൊണ്ടുള്ള ഇ-മെയിലുകൾക്കും/എസ്എംഎസുകൾക്കും പ്രതികരിക്കരുതെന്നും, ഇത്തരത്തിലുള്ള സന്ദേശം ലഭിച്ചാൽ ഉടൻ തന്നെ അതാത് ബാങ്കിൽ ൽ വിവരം അറിയിക്കണമെന്നും പിഐബി ട്വീറ്റ് പറയുന്നു.
യോനോ അക്കൗണ്ടിന്റെ പേരിൽ സംസ്ഥാനത്തും വ്യാപക തട്ടിപ്പ് നടക്കുന്നുണ്ടെന്ന് കഴിഞ്ഞദിവസം സൈബർ പോലീസും മുന്നറിയിപ്പ് നൽകിയിരുന്നു. കഴിഞ്ഞ ഒരാഴ്ചയ്ക്കിടെ നിരവധിപ്പേർ തട്ടിപ്പിന് ഇരയായിരുന്നെന്നും റിപ്പോർട്ടുകളുണ്ട്. ബാങ്ക് അക്കൗണ്ട് ബ്ലോക്കായിരിക്കുന്നു, യോനോ ആപ്പ് പ്രവർത്തനരഹിതമാണ്, നെറ്റ് ബാങ്കിങ് സേവനം നിലയ്ക്കും തുടങ്ങിയ വ്യാജ മുന്നറിയിപ്പോടെയുള്ള എസ്എംഎസിലൂടെയാണു തട്ടിപ്പ്.
സന്ദേശത്തിൽ പറയുന്ന ലിങ്കിൽ ക്ലിക്ക് ചെയ്യുന്ന ആളുകൾ വ്യാജ സൈറ്റ് ബാങ്കിന്റെതാണ് എന്ന് തെറ്റിദ്ധരിച്ച് വിവരങ്ങൾ നൽകും. വെരിഫിക്കേഷനെന്ന പേരിൽ പിന്നീട് ഒടിപി കൂടി നൽകുന്നതിലൂടെയാണ് പണം നഷ്ടപ്പെടുക.
അഭിപ്രായങ്ങള്
ഒരു അഭിപ്രായം പോസ്റ്റ് ചെയ്യൂ