13/01/2019

പുഴച്ചാൽ എ.എൽ.പി. സ്‌കൂൾ ’ചാരിറ്റബിൾ ട്രസ്റ്റ്’ നിർമിച്ചുനൽകുന്ന കാരുണ്യഭവനത്തിന്റെ താക്കോൽ കെ.എൻ.എ. ഖാദർ എം.എൽ.എ. ഉടമസ്ഥന് കൈമാറി

വേങ്ങര: പുഴച്ചാൽ എ.എൽ.പി. സ്‌കൂൾ ’ചാരിറ്റബിൾ ട്രസ്റ്റ്’ നിർമിച്ചുനൽകുന്ന കാരുണ്യഭവനത്തിന്റെ താക്കോൽ കെ.എൻ.എ. ഖാദർ എം.എൽ.എ. ഉടമസ്ഥന് കൈമാറി. രണ്ട് കിടപ്പുമുറികളും ഭക്ഷണഹാളും അടുക്കളയും ശുചിമുറിയും വരാന്തയും അടങ്ങുന്ന വീട് പൂർണമായും പണികഴിച്ച് വീട്ടുപകരണങ്ങൾ ഉൾപ്പെടെയാണ് കൈമാറിയത്. കെട്ടിട നിർമാണത്തിന് ഏഴുലക്ഷം രൂപയോളം ചെലവായി. ബ്ലോക്ക് പഞ്ചായത്ത് പ്രസിഡന്റ് ചാക്കീരി അബ്ദുൽഹഖ് അധ്യക്ഷനായി. പറപ്പൂർ ഗ്രാമപ്പഞ്ചായത്ത് പ്രസിഡന്റ് പറങ്ങോടത്ത് മുഹമ്മദ്കുട്ടി, ബുഷ്‌റ മജീദ്, പി.കെ. അസ്‌ലു, ഐകാടൻ വേലായുധൻ, കെ.എ. റഹീം, എ.പി. ഹമീദ്, പി.വി.കെ. ഹസീന, വി.ആർ. ഭാവന, പ്രഥമാധ്യാപകൻ എം.ആർ. രഘു എന്നിവർ പ്രസംഗിച്ചു.