തിരുവനന്തപുരം:ഈ വർഷത്തെ എസ്എസ്എൽസി പരീക്ഷാഫലം പ്രഖ്യാപിച്ചു. 99.69 ശതമാനമാണ് വിജയം. പിആർഡി ചേമ്പറിൽ മന്ത്രി വി.ശിവൻകുട്ടിയാണ് ഫലപ്രഖ്യാപനം നടത്തിയത്.
കഴിഞ്ഞ വർഷം 99.70 ശതമാനമായിരുന്നു വിജയം. ഈ വർഷം 71,831 വിദ്യാർത്ഥികൾക്ക് ഫുൾ എ പ്ലസ് ലഭിച്ചു. കഴിഞ്ഞ വർഷം ഇത് 68,604 ആയിരുന്നു. എ പ്ലസ് നേട്ടത്തിൽ 3227 പേരുടെ വർദ്ധനവ്. വിജയം നേടിയ എല്ലാ വിദ്യാർത്ഥികളെയും മന്ത്രി വി. ശിവൻകുട്ടി അഭിനന്ദിച്ചു.
ഫലങ്ങളറിയാൻ
http://results.kite.kerala.gov.in എന്ന പ്രത്യേക ക്ലൗഡധിഷ്ഠിത പോർട്ടലിന് പുറമെ ‘സഫലം 2024′ എന്ന മൊബൈൽ ആപ്പു വഴിയും പരീക്ഷാഫലം അറിയാം. എസ്എസ്എൽസിയുടെ വ്യക്തിഗത റിസൾട്ടിനു പുറമെ സ്കൂൾ – വിദ്യാഭ്യാസ ജില്ല – റവന്യൂജില്ലാ തലങ്ങളിലുള്ള റിസൾട്ട് അവലോകനം, വിഷയാധിഷ്ഠിത അവലോകനങ്ങൾ, വിവിധ റിപ്പോർട്ടുകൾ തുടങ്ങിയവ ഉൾക്കൊള്ളുന്ന പൂർണ്ണമായ വിശകലനം പോർട്ടലിലും മൊബൈൽ ആപ്പിലും’റിസൾട്ട് അനാലിസിസ്’ എന്ന ലിങ്ക് വഴി ലോഗിൻ ചെയ്യാതെ തന്നെ ലഭിക്കും.
ഗൂഗിൾ പ്ലേ സ്റ്റോറിൽ നിന്നും ‘Saphalam 2024’ എന്നു നൽകി ആപ് ഡൗൺലോഡ് ചെയ്യാം. ഇതിനു പുറമെ താഴെ കാണുന്ന വെബ്സൈററ്റുകൾ വഴിയും ഫലം അറിയാം.
*പത്തും പന്ത്രണ്ടും ക്ളാസുകളിലെ ഫലങ്ങൾ വന്നു തുടങ്ങുകയായി, ഇനി മുന്നേട്ടേക്കുള്ള വഴികൾ എന്തെന്ന് ചിന്തിക്കയാണ് കുട്ടികളും രക്ഷിതാക്കളും.*
ഉപരിപഠനത്തിനുള്ള വഴികൾ മനസിലാക്കാൻ കുറച്ചു കാര്യങ്ങൾ പറയുകയാണ് ഇവിടെ.
*1. നിങ്ങളുടെ താൽപ്പര്യങ്ങളും കഴിവുകളും തിരിച്ചറിയുക:*
* നിങ്ങൾക്ക് ഏതൊക്കെ വിഷയങ്ങളിൽ താൽപ്പര്യമുണ്ട്? ഏതിൽ നിങ്ങൾക്ക് കഴിവുണ്ട്?
* നിങ്ങളുടെ ലക്ഷ്യങ്ങൾ എന്തൊക്കെയാണ്? ഭാവിയിൽ നിങ്ങൾ എന്തുചെയ്യാൻ ആഗ്രഹിക്കുന്നു?
* നിങ്ങളുടെ താൽപ്പര്യങ്ങളും കഴിവുകളും അഭിരുചികളും തിരിച്ചറിഞ്ഞാൽ നിങ്ങലേക്കുള്ള മികച്ച ഉപരിപഠന ഓപ്ഷനുകൾ തിരഞ്ഞെടുക്കാൻ അത് സഹായമേകും.
*2. ഗവേഷണം നടത്തുക:*
* വിവിധ തരത്തിലുള്ള ഉപരിപഠന ഓപ്ഷനുകളെക്കുറിച്ച് അറിയുക.
* ഓരോ ഓപ്ഷനും എന്തൊക്കെ സാദ്ധ്യതകൾ നൽകുന്നു എന്ന് മനസ്സിലാക്കുക. അപ്പുറത്തെ വീട്ടിലെ ചങ്ക് ചങ്ങായി പോവുന്ന കോഴ്സിന് തന്നെ ഞാനും പോകുന്നു എന്നാണ് വാശി പിടിക്കാതിരിക്കുക
* നിങ്ങളുടെ താൽപ്പര്യങ്ങൾക്കും കഴിവുകൾക്കും അഭിരുചികൾക്കും അനുയോജ്യമായ ഓപ്ഷനുകൾ കണ്ടെത്തുക.
*ഓപഷനുകളെ അറിയാൻ ഓൺലൈൻ റിസോഴ്സുകൾ, കോളേജ് വെബ്സൈറ്റുകൾ, കരിയർ കൗൺസിലിംഗ് സേവനങ്ങൾ എന്നിവ ഉപയോഗിച്ച് നിങ്ങൾക്ക് ഗവേഷണം നടത്താം. കൂടാതെ കരിയർ ഗൈഡൻസ് പ്രോഗ്രാമുകൾ സെമിനാറുകൾ എന്നിവയിൽ പങ്കെടുത്തതും അറിവ് വർദ്ധിപ്പിക്കാം.
*3. നിങ്ങളുടെ ഓപ്ഷനുകളെ താരതമ്യം ചെയ്യുക:*
* ഫീസ്, പ്രവേശന ആവശ്യകതകൾ, കോഴ്സ് ഉള്ളടക്കം, ഫാക്കൽറ്റി, ലഭ്യമായ സൗകര്യങ്ങൾ എന്നിവ പോലുള്ള ഘടകങ്ങൾ പരിഗണിക്കുക.
* നിങ്ങളുടെ ബജറ്റ്, സമയപരിധി, മറ്റ് മുൻഗണനകൾ എന്നിവയ്ക്ക് അനുയോജ്യമായ ഓപ്ഷൻ തിരഞ്ഞെടുക്കുക.
*4. വിദഗ്ധരുടെ ഉപദേശം തേടുക:*
* നിങ്ങളുടെ അധ്യാപകർ, രക്ഷിതാക്കൾ, പരിചയ സമ്പന്നരായ കരിയർ കൗൺസിലർമാർ എന്നിവരുമായി സംസാരിക്കുക.
* അവരുടെ അനുഭവങ്ങളും ഉപദേശങ്ങളും നിങ്ങൾക്ക് ഉചിതമായ തീരുമാനം എടുക്കാൻ സഹായിക്കും.
*5. സന്ദർശനം നടത്തുക:*
* നിങ്ങൾക്ക് താൽപ്പര്യമുള്ള സ്കൂളുകലും കോളേജുകളും സർവകലാശാലകളും സന്ദർശിക്കുക.
* അവിടുത്തെ അന്തരീക്ഷം, സൗകര്യങ്ങൾ, ഫാക്കൽറ്റി, വിദ്യാർത്ഥി ജീവിതം, മുൻവർഷങ്ങളിലെ വിജയ ശതമാനങ്ങൾ, കരിയർ പ്ലേസ്മെന്റുകൾ, അക്കാദമിക് റാങ്കിങ്ങുകൾ എന്നിവമനസിലാക്കുക.
* നിങ്ങൾക്ക് അവിടെ പഠിക്കാൻ ഇഷ്ടമുണ്ടോ എന്ന് തീരുമാനിക്കാൻ ഇതൊക്കെ നിങ്ങളെ സഹായിക്കും.
*6. നിങ്ങളുടെ തീരുമാനം എടുക്കുക:*
* നിങ്ങളുടെ കണ്ടെത്തലുകൾ, താരതമ്യങ്ങൾ, വിദഗ്ധരുടെ ഉപദേശങ്ങൾ എന്നിവയെ അടിസ്ഥാനമാക്കി ഉച്ചിയിത്തമായ ഒരു തീരുമാനം എടുക്കുക.
* നിങ്ങളുടെ തീരുമാനത്തിൽ തന്നെ ഉറച്ചുനിൽക്കുകയും നിങ്ങളുടെ ലക്ഷ്യങ്ങൾക്കായി കഠിനമായി പ്രയത്നിക്കുകയും ചെയ്യുക. തുടർന്ന് സംതൃപ്തമായ കരിയർ ജീവിതത്തിലേക്ക് കാലെടുത്തു വെക്കുക.
*ഓർക്കുക:*
* ഉപരിപഠനം ഒരു വലിയ തീരുമാനമാണ്. തിടുക്കം കൂടാതെ ശ്രദ്ധാപൂർവ്വം തീരുമാനം എടുക്കുക.
* നിങ്ങളുടെ താൽപ്പര്യങ്ങളും കഴിവുകളും അഭിരുചികളും നിങ്ങളുടെ തിരഞ്ഞെടുപ്പിൽ പ്രധാന പങ്ക് വഹിക്കണം.
* നിങ്ങളുടെ ലക്ഷ്യങ്ങൾ നേടാൻ നിങ്ങളെ സഹായിക്കാൻ ഇരുപത്തിയെട്ടുകൊല്ലം പതിനായിരങ്ങൾക്ക് വഴികാണിച്ച സിജി എന്ന എൻജിഒ മുന്നിലുണ്ട്. തീർത്തും സൗജന്യമായ ഗൈഡൻസ് സേവനങ്ങളാണ് സിജി നൽകുന്നത്. സിജിയെ അറിയാൻ www.cigi.org വെബ്സൈറ്റ് സന്ദർശിക്കുക, സൗജന്യ കൗൺസലിംഗ് പ്രയോജനപ്പെടുത്താൻ https://booking.cigi.org/ ലിങ്കിൽ കയറി ബുക്ക് ചെയ്യുക.
🖋️
അഭിപ്രായങ്ങള്
ഒരു അഭിപ്രായം പോസ്റ്റ് ചെയ്യൂ