തിരുവനന്തപുരം കിള്ളിപ്പാലത്തെ പി ആര് എസ് ആശുപത്രിക്ക് സമീപം പ്രവര്ത്തിക്കുന്ന ആക്രിക്കടയില് വന് തീപ്പിടിത്തം. ആക്രിക്കടയില് നിന്നും തീ സമീപത്തെ ഒരു വീട്ടിലേക്കും വ്യാപിച്ചതായാണ് റിപ്പോര്ട്ട്. തീ നിയന്ത്രണ വിധേയമാക്കാന് ഇതുവരെ കഴിഞ്ഞിട്ടില്ല. വലിയ തോതില് തീ ആളിപ്പടരുന്നതായാണ് റിപ്പോര്ട്ട്. നിരവധി വീടുകളും കടകളുമുള്ള സ്ഥലത്താണ് തീപ്പിടിച്ചത്. സമീപത്തെ വീടുകളില് നിന്നും കെട്ടിടങ്ങളില് നിന്നും ആളുകളെ ഒഴിപ്പിച്ചു. പ്രദേശത്ത് നിന്നും വലിയ രീതിയിലുള്ള സ്ഫോടന ശബ്ദം കേള്ക്കുന്നതായാണ് ദൃസാക്ഷികള് പറയുന്നത്. അഗ്നിശമന വിഭാഗവും നാട്ടുകാരും ചേര്ന്നുള്ള രക്ഷാപ്രവര്ത്തനം പുരോഗമിക്കുകയാണ്. ആറ് യൂണിറ്റ് അഗ്നിശമന വിഭാഗം സ്ഥലത്തെത്തിയിട്ടുണ്ട്. അഗ്നിശമന വാഹനങ്ങള് ഇവിടേക്ക് പുറപ്പെട്ടിട്ടുണ്ട്. ഉച്ചക്ക് 12 മണിയോടെയാണ് അപകടം.
ലോക്സഭാ തിരഞ്ഞെടുപ്പില് പൊന്നാനി, മലപ്പുറം മണ്ഡലങ്ങളിലേക്കായി കേന്ദ്ര തിരഞ്ഞെടുപ്പ് കമ്മീഷന് നിയോഗിച്ച പൊതു നിരീക്ഷകരും ക്രമസമാധാന ചുമതലയുള്ള പൊലീസ് നിരീക്ഷകരും ജില്ലയിലെത്തി. മലപ്പുറം ലോക്സഭാ മണ്ഡലത്തില് അവദേശ് കുമാര് തിവാരിയും പൊന്നാനി ലോക്സഭാ മണ്ഡലത്തില് പുല്കിത് ആര്.ആര് ഖരേയുമാണ് പൊതുനിരീക്ഷകര്. ഉത്തര്പ്രദേശ് കേഡര് ഐ.എ.എസ് ഉദ്യോഗസ്ഥരാണ് ഇവര്. മലപ്പുറം മണ്ഡലത്തില് ഡോ. ബന്വര്ലാല് മീണയും പൊന്നാനി മണ്ഡലത്തില് വിശ്വാസ് ഡി പണ്ഡാരെയുമാണ് പൊലീസ് നിരീക്ഷകരായി എത്തിയിട്ടുള്ളത്. ഐ.പി.എസ് ഉദ്യോഗസ്ഥരാണ് ഇരുവരും. പൊതുതിരഞ്ഞെടുപ്പില് സ്ഥാനാര്ത്ഥികളുടെ ചെലവ് നിരീക്ഷിക്കുന്നതിനായി കേന്ദ്ര തിരഞ്ഞെടുപ്പ് കമ്മീഷന് നിയോഗിച്ച പ്രശാന്ത് കുമാര് സിന്ഹയും (പൊന്നാനി) ആദിത്യ സിങ് യാദവും (മലപ്പുറം) നേരത്തെ ജില്ലയിലെത്തിട്ടുണ്ട്. നിരീക്ഷകരുമായി തിരഞ്ഞെടുപ്പുമായി ബന്ധപ്പെട്ട് ജില്ലയിലെ സാഹചര്യം വിലയിരുത്തി. ജില്ലാ പൊലീസ് മേധാവി എസ്. ശശിധരന്, അസി. കളക്ടര് കുമാര് ഠാക്കൂര്, പൊന്നാനി വരണാധികാരിയും അഡീഷണല് ജില്ലാ മജിസ്ട്രേറ്റുമായ...