ഓരുവെള്ളത്തിലും ശുദ്ധജലത്തിലും വലിയ ബുദ്ധിമുട്ടില്ലാതെ വളർത്താൻ സാധിക്കുന്ന ഈ മത്സ്യം വിപണിക്കെത്ര മേൽ പ്രിയങ്കരമാണെന്നു പറയാതെ തന്നെ അറിയാമല്ലോ. വീടുകളിൽ ടാങ്കുകളിലും, ഒഴിഞ്ഞ പാറമടകളിലുമൊക്കെ ഇവയെ വളർത്താം. കഴിവതും പ്രൈവറ്റ് സ്ഥാപനങ്ങളിൽ നിന്നു കുഞ്ഞുങ്ങളെ വാങ്ങാതിരിക്കുകയാണു അഭികാമ്യം.അത്രത്തോളം വിശ്വസം ഉള്ള പ്രൈവറ്റ് സ്ഥാപനങ്ങളിൽനിന്ന്ഏ വാങ്ങാവുന്നതാണ്ക ദേശം പത്ത് മാസം വളർത്തിക്കഴിയുമ്പോൾ വില്പനക്ക് പരുവമാകും.
കരിമീൻ കൃഷിക്കായി കുളം വൃത്തിയായി ഒരുക്കണം. പായലും സസ്യങ്ങളും പൂർണ്ണമായും മാറ്റി, മറ്റു ഉപദ്രവകാരികളായ മത്സ്യങ്ങൾ ഉണ്ടെങ്കിൽ അവയേയും ഒഴിവാക്കി വൃത്തിയാക്കി എടുക്കുക എന്നതാണു ആദ്യം പടി. തുടർന്ന് പി എച് മുല്ല്യം കൃത്യമായി നോക്കണം. പി എച് ഏഴരയിൽ നിർത്തുക എന്നതാണു അഭികാമ്യം. ( പി എച് മൂല്യം നോക്കുന്നതിനെ പറ്റി പോസ്റ്റിന്റെ അവസാന ഭാഗം ശ്രദ്ധിക്കുക).
വൃത്തിയാക്കിയ കുളത്തിൽ രണ്ട് മൂന്ന് ആഴ്ച വെള്ളം നിറച്ച് ഇടണം. ആവശ്യമായ പ്ളവകങ്ങളുടെ ഉത്പാദനം ഈ കാലയളവിൽ നടക്കും. വേണ്ടത്ര ഓക്സിജൻ നിറച്ച കവറുകളിൽ വേണം കുഞ്ഞുങ്ങളെ ഒരു സ്ഥലത്ത് നിന്നും കൃഷിയിടങ്ങളിലേക്ക് കൊണ്ട് പോകാൻ. കുഞ്ഞുങ്ങളെ നേരിട്ട് വെള്ളത്തിലേക്ക് തുറന്നു വിടരുത്. പകരം കുഞ്ഞുങ്ങൾ അടങ്ങിയ ബാഗ് കുളത്തിലെ വെള്ളത്തിൽ അരമണിക്കൂറോളം വെക്കണം. തുടർന്നു സാവകാശം കുളത്തിലെ ജലം കുഞ്ഞുങ്ങളുടെ കവറിലേക്ക് കുറേശെ ആയി ഒഴികുക. അങ്ങനെ കുളത്തിലെ വെള്ളവുമായി കുഞ്ഞുങ്ങളേ പരിചയമാക്കിയിട്ടു വേണം തുറന്നു വിടാൻ.
ഇത്തരത്തിൽ നിക്ഷേപിചു കഴിഞ്ഞാൽ 24 മണിക്കൂറിനു ശേഷം തീറ്റകൊടുത്ത് തുടങ്ങാം. കുളത്തിൽ തന്നെ തീറ്റപാത്രങ്ങൾ സ്ഥാപിച്ച് തീറ്റ ഇതിലേക്ക് വച്ച് കൊടുക്കുക. കപ്പലണ്ടി പിണ്ണാക്ക്, തവിട് എന്നിവ 1:1 അനുപാതത്തിൽ കലർത്തി തീറ്റ തയ്യാറാക്കാം. കുറഞ്ഞ അളവിൽ ചെമ്മീൻ പൊടി, സോയാബീൻ പൊടി കക്കയിറച്ചി എന്നിവയും ചേർക്കുന്നത് നല്ലതാണു. മീൻ കുഞ്ഞുങ്ങളുടെ ശരീര തൂക്കത്തിന്റെ 4 മുതൽ 5 ശതമാനം വരെ അളവിൽ ഇങ്ങനെ തയ്യാറാക്കിയ തീറ്റ നൽകാവുന്നതാണു. വളരുന്നതിനനുസരിച്ച് അനുപാതം 2 മുതൽ 3 ശതമാനം വരെ കുറക്കാം. ആഴചയിൽ ഒരിക്കൽ ഒരു ശതമാനം വിറ്റാമിൻ ധാതുലവണ മിശ്രിതം തീറ്റയിൽ ചേർത്ത് നൽകുന്നത് വളർച്ച ത്വരിതമാക്കുവാനും പ്രതിരോധ ശക്തി വർദ്ധിപ്പിക്കാനും സഹായിക്കും.
പി എച് ലവൽ എന്താണെന്നും എങ്ങനെ ടെസ്റ്റ് ചെയ്യാമെന്നും..
ജലത്തിന്റെ pH രാസഘടന പൊതുവേ 0 മുതല് 14 വരെയാണ് നിശ്ചയിക്കപ്പെട്ടിരിക്കുന്നത്. ഇതില് 0 മുതല് 6 വരെ അമ്ലത്വം നിറഞ്ഞ Acidic എന്നും 8 മുതല് 14വരെ ആള്ക്കലിന്, അമോണിയ പോലുള്ളവയുടെ സാന്നിദ്ധ്യം നിറഞ്ഞ Basic എന്നും അറിയപ്പെടുന്നു. 7 എന്നത് Neutral എന്നും അറിയപ്പെടുന്നു. ലെവല് 7 ആണ് പൊതുവേ മീന് വളര്ത്തുന്ന കുളത്തിലെ ജലത്തിനായി നിര്ദ്ധേശിക്കപ്പെട്ടിരിക്കുന്നത്. അതുകൊണ്ട്തന്നെ മത്സ്യം വളര്ത്തുവാന് ആഗ്രഹിക്കുന്നവര് ആദ്യം ചെയ്യേണ്ടത് ജലത്തിന്റെ pH ലെവല് 7 ലേക്ക് കൊണ്ടുവരിക എന്നതാണ്.
ഇതിനായി ആദ്യം ചെയ്യേണ്ടത് ഒരു ടെസ്റ്റ് ട്യൂബും (Test Tube) ഒരു Universal Indicator Solution ബോട്ടിലും വാങ്ങിക്കുക (ഇത് ലഭിക്കുന്നതിനായി ഹോസ്പിറ്റല്, മെഡിക്കല് എന്നിവയുടെ ഉപകരണങ്ങളും സാധന സാമഗ്രികളും വില്പന നടത്തുള്ള ഷോപ്പുകളെ സമീപിക്കാവുന്നതാണ്, മെഡിക്കല് ഷോപ്പുകളല്ല എന്നോര്ക്കുക). പരിശോധനയുടെ കൂടുതല് വ്യക്തതയ്ക്ക് വേണ്ടി Universal Indicator Solution ബോട്ടില് തന്നെ വാങ്ങുക, Paper കൊണ്ടുള്ള Universal Indicator പോലുള്ളവ ഒഴിവാക്കുക.
ഇനി ജലത്തിലെ pH പരിശോധിക്കുന്നത് എങ്ങിനെയെന്ന് നോക്കാം..ആദ്യം ടെസ്റ്റ് ട്യൂബ് കയ്യിലെടുത്ത് ഏത് ജലമാണോ പരിശോധിക്കേണ്ടത് ആ ജലത്തില് നിന്നും ടെസ്റ്റ്ട്യൂബിന്റെ പകുതി ഭാഗം വരെ നിറക്കുക. അതിനു ശേഷം Universal Indicator Solution ബോട്ടില് തുറന്ന് മൂന്നു തുള്ളി ടെസ്റ്റ്ട്യൂബിലെ ജലത്തിലേക്ക് ഇറ്റിക്കുക. ജലത്തിന്റെ നിറം മാറി വരുന്നത് കാണാം. ബോട്ടിലിന് പുറമേ കാണുന്ന 0 മുതല് 10 വരെയുള്ള നിറങ്ങളില് ഏതു നിറത്തോടാണ് ടെസ്റ്റ് ട്യൂബിലെ ജലത്തിന് സാമ്യതയെങ്കില് അതാണ് ആ ജലത്തിന്റെ pH ലെവല് നമ്പര്.
pH ലെവല് 7- ന് താഴെയാണ് കാണുന്നതെങ്കില് ഒരു ചട്ടിയിലോ മറ്റോ അല്പം ഉണങ്ങിയ ചാണകം പൊടിച്ചതും കുറച്ചു കക്ക നീറ്റിയ യദാര്ത്ഥ കുമ്മായവും മത്സ്യം വളര്ത്താന് ഉപയോഗിക്കുന്ന കുളത്തിലെ ഏതെങ്കിലും ഒരു മൂലയിലായി വെള്ളത്തിലേക്ക് ഇറക്കി കൊടുത്ത ശേഷം മുഴുവനും വെള്ളത്തില് ലയിക്കാന് സമയം അനുവദിക്കുക. (കുമ്മായം വെള്ളത്തിന്റെ അമ്ലത്വം നിയന്ദ്രിക്കാനും ഉണങ്ങിയ ചാണകം മത്സ്യങ്ങള്ക്ക് ജീവിക്കുവാനുള്ള പ്ലവഗങ്ങള് ഒരുക്കാനും വേണ്ടിയാണ്) വീണ്ടും ജലത്തിന്റെ pH മുന്പ് വിവരിച്ചപോലെ പരിശോധിക്കുക.
pH ലെവല് 7- ന് മേലെയാണ് കാണുന്നതെങ്കിലും ഇതുപോലെ ഒരു ചട്ടിയില് ഉണക്ക ചാണകം പൊടിച്ചതും ഒരു പാത്രത്തില് ഒരു കിലോവിന് താഴെ ഇത്തള് നീറ്റിയ കുമ്മായവും (വീണ്ടും ഓര്മ്മിപ്പിക്കുന്നു, കുമ്മായത്തില് മറ്റു യാതൊരു കലര്പ്പുമില്ല എന്നുറപ്പ് വരുത്തേണ്ടതാണ്) നന്നായി വെള്ളത്തില് കലര്ത്തിയ ശേഷം കുളത്തിലേക്ക് ഒഴിച്ച് കൊടുക്കുക. കുമ്മായം കുളത്തില് എല്ലാ ഭാഗത്തും എത്തിയെന്ന് ഉറപ്പായ ശേഷം ആദ്യം വിവരിച്ച പോലെ വീണ്ടും pH ലെവല് നിര്ണ്ണയിക്കേണ്ടതാണ്. ഇങ്ങിനെ വളരെ എളുപ്പത്തില് ജലത്തിന്റെ pH ലെവല് നമുക്ക്തന്നെ സ്വയംപരിശോധിക്കാവുന്നതാണ്.
ശ്രദ്ദിക്കുക : ഏഴിന് മേലെയായാലും താഴെയായാലും ചിലപ്പോള് കുമ്മായവും ഉണക്ക ചാണകവും പ്രയോഗിക്കേണ്ടി വരും, ചാണകമായാലും കുമ്മായമായാലും നല്കുന്നതിന് മുന്പും ശേഷവും pH ഇടവിട്ട് നോക്കുന്നതിലൂടെ ഇത് പരിഹരിക്കാവുന്നതാണ്.
ആശുപത്രി കള്ക്ക് വേണ്ട മെഡിക്കല് ഉപകരണങ്ങള് വില്ക്കുന്ന സ്ഥാപനങ്ങളില് (ഫാര്മസി അഥവ മെഡിക്കല് ഷോപ്പുകള് അല്ല എന്നോര്ക്കുക) ലഭ്യമാണ്, തൃശൂര് ജില്ലയില് ഉള്ളവര്ക്ക് സൊലൂഷന് ലഭിക്കുന്നതിന്.. തൃശൂര് എം ജി റോഡില് രാംദാസ് സിനിമയുടെ പുറകിലെ ഗേറ്റില് നിന്ന് പടിഞ്ഞാറ് വശത്തേക്ക് നോക്കിയാല് കോര്ണറിലായി ഗ്രൗണ്ട് ഫ്ലോറില് കാണുന്ന Chemind എന്ന മെഡിക്കല് സാമഗ്രികള് വില്ക്കുന സ്ഥാപനത്തില് ലഭിക്കും (സ്ഥാപനം കണ്ടെത്താന് എളുപ്പമാണ്) സൊലൂഷനും ടെസ്റ്റ് ട്യൂബിനും വില കുറവാണ് ഇത് എളുപ്പമായ ഒരു രീതിയാണ്, അതുകൊണ്ട് തന്നെ മറ്റുള്ളവരെ ആശ്രയിച്ചു അനാവശ്യ ചെലവുണ്ടാക്കാതെ സ്വന്തമായി തന്നെ പരിശോധിക്കാന് ശ്രദ്ധിക്കുക. പേപ്പര് സൊലൂഷന് വില കുറവെങ്കിലും റിസള്ട്ട് അത്ര ഗുണം ചെയ്യില്ല, ഡിജിറ്റല് സൊലൂഷന് ഗുണം നല്ലതെങ്കിലും വില വളരെ വളരെ കൂടുതലാണ്..അതുകൊണ്ട് തന്നെ സൊലൂഷന് വാങ്ങുമ്പോള് എപ്പോഴും ബോട്ടില് സോലുഷന് തന്നെ ചോദിച്ചു വാങ്ങുക,
എവിടെ മീന് വളര്ത്തുകയാണെങ്കിലും വെള്ളത്തിന്റെ പി എച്ചും ഓക്സിജന്റെ അളവും നിര്ബന്ധമാണ്.. കര്മീന് നിക്ഷേപിക്കുന്നതിന് മുന്പ് വെള്ളത്തില് ഒന്നോ രണ്ടോ ചട്ടി ഉണങ്ങിയ ചാണകം പൊടിച്ചു ടാങ്കിന്റെ ഒരു വശത്ത് ഇട്ടു വെള്ളത്തില് നന്നായി കലരാന് അനുവദിക്കുക. പിന്നെ കരിമീന് വളര്ത്തുമ്പോള് മറ്റു മീനുകളേക്കാള് കൂടുതല് ശ്രദ്ധ കൊടുക്കേണ്ടതുണ്ട്. മാത്രമല്ല കരിമീന് മാത്രമാണ് എങ്കില് ശുദ്ധജലത്തേക്കാള് കൂടുതല് ഉപ്പുവെള്ളത്തിലാണ് നല്ലത്.. ഒഴുക്കുള്ള ജലമാണ് പൊതുവേ നല്ലത്.. ഫൈബര് ടാങ്കാണ് എങ്കില് ഇടക്ക് വെള്ളം മാറ്റുകയും പി എച്ച് നോക്കിയ ശേഷം വെള്ളത്തില് ഓക്സിജന്റെ അളവ് കൂട്ടുകയോ ചെയ്യേണ്ടിവരും..
അതിനായി അക്വോറിയത്തില് ഉപയോഗിക്കുന്ന ചെറിയ മോട്ടോര് പോലുള്ളവ ഘടിപ്പിച്ചു പ്രവര്തിപ്പിച്ച് വെള്ളത്തില് കൂടുതല് ഓക്സിജന്റെ അളവ് കൂട്ടാം.. കരിമീന് വളര്ത്താന് കരിമീന് വാങ്ങിക്കുമ്പോള് ഒരിക്കലും പ്രൈവറ്റ് സ്ഥാപനങ്ങളില് നിന്ന് കുഞ്ഞുങ്ങളെ വാങ്ങിക്കാതെ സര്ക്കാര് നേരിട്ട്നടത്തുന്ന സ്ഥാപനങ്ങളില് നിന്ന് തന്നെ വാങ്ങിക്കാന് ശ്രമിക്കുക. കരിമീന്റെ എണ്ണം കൂടുന്നതിന് അനുസരിച്ച് ടാങ്കിന്റെ വലുപ്പവും കൂട്ടേണ്ടി വരും..എങ്ങിനെയായാലും ടാങ്കിന് അഞ്ചോ ആറോ അടി താഴ്ചയില് കൂടാന് പാടില്ല എന്നോര്ക്കുക.
വിവരങ്ങൾക്ക് കടപ്പാട്.
ഗൂഗിൾ., എഫ് ബി.
അഭിപ്രായങ്ങള്
ഒരു അഭിപ്രായം പോസ്റ്റ് ചെയ്യൂ