പാലക്കാട് പട്ടാമ്പി കൂറ്റനാട് സെന്ററിലും പരിസര പ്രദേശങ്ങളിലുമായുള്ള കിണറുകളിലെ വാതക സാന്നിധ്യം കണ്ടെത്താൻ പരിശോധന. ജില്ലാ മലിനീകരണ നിയന്ത്രണ ബോർഡ്, ഭൂജല വകുപ്പ് ഉദ്യോഗസ്ഥരാണ് പരിശോധന നടത്തുന്നത് സിപിഐഎമ്മിന്റെ തൃത്താല ഏരിയ കമ്മിറ്റി ഓഫിസ് ആസ്ഥാനത്തിന് സമീപമുള്ള മേഖലയിലെ എട്ട് കിണറുകളിലും ഇന്ധനത്തിന്റെ ചുവയും ഗന്ധവുമാണ്. കിണർ വെള്ളത്തിലോക്ക് കടലാസ് കത്തിച്ചിട്ടാൽ തീ പടരുന്ന സ്ഥിതിയാണ് ഉള്ളത്. വെള്ളത്തിൽ ഡീസലിന്റെ ഗന്ധവുമുണ്ട്. ‘രണ്ട് മൂന്ന് മാസങ്ങൾക്ക് മുൻപ് പരിസരവാസികൾക്ക് കിണറിൽ നിന്ന് വലിയ തോതിൽ ഇന്ധനത്തിന്റെ ഗന്ധം വരുന്നുണ്ടെന്ന് പറഞ്ഞിരുന്നു. കുഴൽക്കിണറിലും ഇതാണ് അവസ്ഥ. തുടർന്ന് വെള്ളം പരിശോധിച്ചപ്പോൾ മലിനമായ ജലമാണ് കിണറുകളിൽ ഉള്ളതെന്ന് കണ്ടെത്തി. ജലം ഉപയോഗിക്കുമ്പോൾ പ്രദേശവാസികൾക്ക് ചൊറിച്ചിലും മറ്റും അനുഭവപ്പെടുന്നുണ്ട്.’ സിപിഐഎം ഏരിയ സെക്രട്ടറി ട്വന്റിഫോറിനോട് പറഞ്ഞു. പരിസരത്ത് പെട്രോൾ പമ്പുകളുണ്ട്. അവിടെ നിന്നാകാം ഇന്ധനം ലീക്കാകുന്നതെന്നും ഏരിയ സെക്രട്ടറി ട്വന്റിഫോറിനോട് പറഞ്ഞു.
വേങ്ങര: വലിയോറ പാടം തീരദേശ പാത നിർമ്മാണം പൂർത്തീകരിക്കണമെന്ന് വികസന സമിതി യോഗം ആവശ്യപ്പെട്ടു നിലവിലുള്ള വലിയോറ പാടം കനാൽ റോഡ് ബാക്കിയുള്ളവ കോൺക്രീറ്റ് ചെയ്യുക, തുടർന്നുള്ള റോഡിന് ആവശ്യമായ സ്ഥലം കണ്ടെത്തി തീരദേശപാത പൂർത്തീകരിക്കാൻ ആവശ്യമായ പ്രവർത്തനങ്ങൾ നടത്തണമെന്നും യോഗം അധികൃതരോട് ആവശ്യപ്പെട്ടു യോഗത്തിൽ പഞ്ചായത്ത് പതിനെട്ടാം വാർഡ് മെമ്പർ തുമ്പിൽ സക്കീന അധ്യക്ഷത വഹിച്ചു. സ്റ്റാൻഡിങ് കമ്മിറ്റി ചെയർമാൻ മുഹമ്മദ് സാദിഖ് ഉദ്ഘാടനം ചെയ്തു. മെമ്പർമാരായ എംപി അഹമ്മദ്, മുഹമ്മദ് ഹനീഫ കെ കെ, മെഹബൂബ പി എൻ, ഹമീദലി യു, അഡ്വ. സി, അബ്ദുൽ ഹമീദ്, കെ ശശികുമാർ, ടി കുഞ്ഞബ്രാൻ ടി അലവിക്കുട്ടി കുഞ്ഞിക്കുട്ടൻ .എ, അബ്ദുൽ കരീം എം ചെളി അഹമ്മദ്. എന്നിവർ സംസാരിച്ചു ഹമീദലി. യു സ്വാഗതവും, മുസ്തഫ കെ. നന്ദിയും പറഞ്ഞു